تدري وش اللي يتعب البنت ياخوي ..؟!

/

\

/

\



تدري وش اللي يتعب البنت ياخوي ..؟!
رجلٍ يخون أشواقها و المودة

إللي إلى احتاج الغلا صار نمرود ..
وليا شبع مما عطاه إستردهـ ..

البنت ريحانة غلا .. ناعمة عود ..
تبي لها رجلٍ ورث طيب جدهـ ..

رجلٍ فعولة كلها جود في جود ..
ما يلتفت للي كفوفه تمدهـ .. !!

رجلٍ إلى جته الليالي بمنقود ..
يتكى لها ما بيح الوقت سدهـ ..

ٍماهوب ورع ما رعى للهوى عهود ..
وأدناة ما عارض طريقه يردهـ ..

ولاهوب لاعلة .. ولاهوب ملهود ..
ولا شكوك .. وكلٍ طاري يحدهـ ..

ما أشين من الرجال لا جاك ببرود ..
وإن قال له ترف القدم شي صده ..

تبي لها براق طيبٍ له رعود ..
إن اجدبت يمطر على ريف خدهـ ..

وإن نادته تكفى لقت عنده الفود ..
يشيل عزتها على قـو زنده ..

كفه نفل .. وأنفاس صدره لها عود ..
وظـلاله الضافي بيدها تمدهـ ..

البنت خد .. وقد .. ونواظرٍ سود ..
وريحة غلاً .. ياسعد من شم ندهـ ..

البنت إلى ضحكت ثمرها لك ورود ..
يا خوي من يقطف نواوير وردة ..

واللي يهين البنت ناقص .. ومقرود ..
فرس غلا .. ماهي حمارة مكدة ..


/

\

/

انا اشهد ان اللي كاتبه رجآل